|
Rett til innsyn i offentleg forvaltning er lovfesta i Lov om rett til innsyn i dokument i offentleg verksemd (offentleglova) : "Formålet med lova er å leggje til rette for at offentleg verksemd er open og gjennomsiktig, for slik å styrkje informasjons- og ytringsfridommen, den demokratiske deltakinga, rettstryggleiken for den enkelte, tilliten til det offentlege og kontrollen frå ålmenta. Lova skal òg leggje til rette for vidarebruk av offentleg informasjon." Voss kommune nyttar Software Innovation sin Innsynsmodul. Denne gjev mogelegheit for å tinga dokument og saker direkte frå elektronisk postjournal. Ved søknad om innsyn i offentlege dokument, skal innsynskravet behandlast av Dokumentsenteret. Dette gjeld og for søknader om innsyn sendt pr. papirpost, e-post eller ved personleg frammøte. Søknad/ønske om innsyn i offentleg dokument vert ikkje registrert i postjournal. Ved søknad om innsyn i ikkje offentlege dokument, gjeld fylgjande rutine : Innsynskrav via Innsynsmodul i elektronisk journal :
- Dokumentsenteret åpner dagleg fane for "Innsynsbegjæringer"under "Oppgåver" i venstremeny i Public360 og velger "Alle" i felt for "Velg ansvarlig"
- Klikk på innsynsbegjæringa du skal behandle og få fram filane det er søkt om innsyn i ved å klikke på "Forespurte filer"
- Ta kontakt med sakshandsamar for dokumentet, og diskuter mogelegheit for innsyn, evt. utvida innsyn i sladda fil.
- Det er sakshandsamar som avgjer om det kan gjevast innsyn eller ikkje.
- Legg inn vedtak i innsynskravet via kontekstmeny for aktiviteten.
- Velg paragraf med grunnlag for avslag.
- Legg evt. inn merknad - meir info til søkjar.
- Ekspeder vedtaket elektronisk i 360 via epost eller utskrift (papirpost).
- Innsynskravet skal avgjerast utan ugrunna opphald.
Innsynsbegjæring via e-post eller papirpost :
- Innsynsbegjæring vert registrert på sakshandsamar med kopi til arkivleiar.
- Sakshandsamar handsamar saka på ordinær måte i Public 360
- Dokumentsenter yter hjelp til framfinning i arkiv når nødvendig.
- Sakshandsamar skal vera merksam på at Voss kommune praktiserer meiroffenligheit der det er mogeleg.
- Innsynskravet skal avgjerast utan ugrunna opphald.
Lov om rett til innsyn i dokument i offentleg verksemd (offentleglova) Forskrift til offentleglova (offentlegforskrifta) |